Hyrje
Portali i vetë-shërbimit është mjeti që ju mundëson të menaxhoni certifikatën(at) tuaja dhe të migroni Kuletën kur ndërroni pajisjen tuaj. Për të hyrë në Portalin e Vetë-shërbimit, ju nevojiten të dhënat e certifikatës që keni marrë gjatë procesit të regjistrimit (emri i përdoruesit dhe fjalëkalimi i certifikatës). Portali i Vetë-shërbimit mund të aksesohet nga çdo shfletues, si në kompjuter ashtu edhe në pajisjet mobile.
Humbja e të dhënave
Në rast se nuk i keni ruajtur të dhënat e certifikatës, portali i vetëshërbimit ju mundëson ndryshimin ose rikuperimin e të dhënave të munguara të certifikatës.. Ajo që duhet të mbani mend gjithmonë është adresa e emailit e përdorur gjatë regjistrimit dhe numri juaj personal i Kosovës. Duke përdorur këto të dhëna dhe duke ndjekur udhëzimet përkatëse mund të rikuperoni Kodin e Rikuperimit në Rast Urgjence (ERC) dhe emrin e përdoruesit, ose të rivendosni fjalëkalimin tuaj..
Kini parasysh se të dhënat e certifikatës janë unike për secilën certifikatë. Për shembull, nëse keni një identitet elektronik dhe dy vula elektronike, do të dispononi tri grupe të ndryshme të dhënash të certifikatës (emrin e përdoruesit, fjalëkalimin dhe Kodin e Rikuperimit Emergjent (ERC))
Funksionalitetet
Të dhënat e profilit
Të dhënat e profilit tuaj mund t’i shihni duke zgjedhur opsionin përkatës pasi të klikoni ikonën e përdoruesit në këndin e sipërm djathtas të ekranit.
Të dhënat e profilit tuaj kodohen në certifikatë gjatë procesit të regjistrimit, prandaj ato nuk mund të ndryshohen përmes Portalit të Vetë-shërbimit. I vetmi informacion i profilit që mund të ndryshoni është fjalëkalimi për qasje në Portalin e Vetë-shërbimit.
Të dhënat e sigurisë
Të dhënat e sigurisë së certifikatës mund t’i menaxhoni duke klikuar në opsionin Të dhënat e përdoruesit në menynë anësore në të majtë. Nëpërmjet këtij opsioni, mund të ndryshoni PIN-in ose PUK-un, të rikuperoni Kodin e Rikuperimit në Rast Urgjence (ERC), si dhe të zhbllokoni PIN-in në rast se është bllokuar pas futjes së gabuar të PIN-it tri herë.
Menaxhimi i certifikatës
Menaxhimin e certifikatës mund ta kryeni duke zgjedhur opsionin Menaxhimi i identitetit nga menyja anësore në të majtë.
Përmes këtij seksioni mund të kryeni këto veprime:
Revokoni certifikatën: Revokoni certifikatën në rast se dyshoni se ajo është komprometuar ose nëse nuk dëshironi ta përdorni më.- Shkarkoni certifikatën: Shkarkoni një kopje lokale të certifikatës.
- Lidhni ose
migroni Kuletën: Lidhni Kuletën nëse nuk e keni bërë gjatë procesit të regjistrimit ose transferojeni Kuletën në një telefon tjetër celular.
Kini parasysh se kredencialet e certifikatës mund të jenë aktive vetëm në një pajisje celulare. Migrimi i Kuletës në një pajisje të re do t’i çaktivizojë automatikisht kredencialet e certifikatës në pajisjen e mëparshme. Gjithashtu, sigurohuni që pajisja celulare në të cilën ruhen kredencialet e certifikatës të përdorë të njëjtin numër telefoni që është përdorur gjatë procesit të regjistrimit.
Kini parasysh se një certifikatë e revokuar nuk mund të rikthehet në gjendjen e mëparshme. Për t’u pajisur me një certifikatë të re, mund t’ju duhet ta kaloni përsëri procesin e regjistrimit në një nga zyrat e ARC-së ose ARBK-së.
Kontrata e certifikatës
Kontratën ndërmjet jush dhe Qeverisë së Republikës së Kosovës për përdorimin e certifikatës mund ta shihni dhe ta shkarkoni duke zgjedhur opsionin Kontratat e mia nga menyja anësore në të majtë. Kontrata është në format PDF dhe është nënshkruar me certifikatën gjatë procesit të regjistrimit.
On this page